Davao City – Giandam na sa Commission on Higher Education (CHED)-XI ang mga eskwelahan nga mamahimong maapil sa limited face-to-face (F2F) classes dinhi sa Davao Region.
Kini human nga ginaplanohan na karon sa CHED ang pag-abri sa F2F classes sa tanang degree programs sa mga college ug university nga low-risk sa Coronavirus Disease 2019 (COVID-19) ug adunay taas nga vaccination rates.
Sa interbyu sa DXDC RMN Davao kang Dr. Christopher Pio O. Pulido, Supervising Education Program Specialist (SEPS) sa CHED-XI, gisulti niini ginaapaabot na lamang nila ang official guidelines sa implementasyon sa maong direktiba.
“Ang mga schools, hinay hinay napud sila og andam. We are anticipating that especially kadtong mga kailangan gud og OJT (on-the-job training) or internship para makahuman, apil na sa ilang mga preparations nila,” matud ni Pulido.
As of September 30, 2021, anaa sa walo (8) ka Higher Education Institution (HEI) sa rehiyon ang mipakita og interes sa limited F2F classes alang sa unom (6) ka programa, walay pay labot niini ang dugang degree programs.
Muagi usab sa evaluation ang mga eskwelahan nga pangunahan sa CHED, Department of Health (DOH), Local Government Unit (LGU) ug Department of Interior and Local Government (DILG) pagsigurong masunod ang gikinahanglang rekisitos.
RadyoMaN Kirby Manzon
