Davao City – Nagpabilin sa gihapon sa Brgy. Crossing Matina Hall ang mga residente nga mibakwit sa Brgy. Quiñones Matina ning syudad kinsa naapektuhan sa milabay’ng Tropical Depression Chedeng.
Gikanayon ni Ret. P/Supt. Alfredo Baluran, officer in charge (OIC) sa City Disaster Risks Reduction Management Office (CDRRMO), adunay lima ka pamilya ug 25 ka indibidwal ang naapektuhan sa maong kalamidad.
Sumala ni Baluran nga dili na angay pa pabalikon ang maong mga lumulupyo sa maong landslide-prone area.
Mao usab kini ang girekomendar sa Risk Reduction Management Team nga kinahanglan ‘no habitat’ na kini nga lugar.
Sa pagkakaron ginapaabot pa sa mga pamilya nga mapahiluna kini sa relocation area pinaagi sa usab sa rekomendasyon sa Barangay Kapitan sa Matina.
RadyoMaN Jason Amisola
