Davao City – Padayon karong ginasuta sa Holy Child College of Davao (HCCD) kung asa posibleng nagsugod ang chicken pox virus sa eskwelahan hinungdan sa pagsuspinde sa ilang klase gikan Disyembre 9 hangtud sa 13, 2019.
Sa interbyu sa DXDC RMN Davao kang Josephine Villafuerte, head sa City Health Office (CHO)-Davao City, gibutyag niini nga nahinabi na nila ang management sa eskwelahan ug gina-check na niini kung asa ang source sa virus.
Gitataw ni Villafuerte nga importante nga ma-immunize ang usa ka bata aron mamahimong luwas sa maong balatian.
“Safe sila pero ‘yung hindi na-immunize hindi natin masigurado. Pero ang akin lang sana, dili na magpapasok og bata nga naay manifestation sa chicken pox,” saysay ni Villafuerte.
Gibutyag ni Villafuerte nga walay vaccine ang syudad sa chicken pox rason nga tambag niini nga magpa konsulta sa doktor kung adunay mamatikdang simtomas sa maong balatian.
RadyoMaN Kirby Manzon
