Patay na sang makita sang mga katapo sang Philipine Coast Guard sa Probinsya sang Guimaras ang Chief Engineer sang M/V Yohan White kaina sang aga (Enero 12).
Ini matapos aksidente ini nga nahulog sa dagat sang Sabado sang kaagahon samtang nagapangihi.
Ginkilala ang biktima nga si Chief Engineer Mark Gil Jarabe, 29 anyos, tumandok sang Suriugao City.
Suno kay Police Major Ahlie Estember, hepe sang Buenavista, Guimaras nga nagreport sa ila kahapon sang aga ang Kapitan sang nasambit nga barko matapos wala na nila makita si Dela Rabi humalin sang Biyernes sang gab-I, Enero 10.
Bangud sini, ginreview sang Pulis ang CCTV kag didto nakita nga mga alas 12:55 sang kaagahon, Enero 11, nagsulod sa barko si Jarabe kag nagpangihi sa kilid sang barko apang aksidente ini nga nahulog sa tubig.
Gilayon naman nga nag-coordinate sa Coast guard ang mga pulis agud maghiwat sang search and retrieval operation kag natigayon nga makita ang bangkay sang biktima nga na-trap sa kahoy sa higad sang buenavista wharf.
Wala naman sang nakita nga foul play ang kapulisan sa kamatayon sang nasambit nga Chief Engineer.
