Pagahatagan sang bag-o nga assignment ni PNP Chief Dir. Gen. Ronald dela Rosa si Ozamiz Chief of Police Chief Insp. Jovie Espenido.
Ini matapos nga nangin madinalag-on ang operasyon ni Espenido batuk sa napatay nga si Ozamiz Mayor Reynaldo Parojinog kag 15 ka iban pa nga ginapatihan nadalahig sa iligal nga droga.
Suno kay Dela Rosa, ginapili niya subong kun sa diin mabaskog ang operasyon sang mga narco-politician kag didto niya i-assign si Espenido .
Gin-aku man ni Gen. Bato nga in-demand subong ang serbisyo ni Espenido.
Samtang, ginpahayag man ni Gen. Dela Rosa nga isa si Espenido sa mga mabaton sang award sa 116th National Police Service Anniverasary sa August 9 sa Camp Crame.
Suno kay Dela Rosa, magabaton si Espenido sang special award bangud sa nangin madinalag-on nga operasyon sini batuk sa iligal nga droga.
Si Pangulong Rodrigo Duterter mismo ang magahatag sang award sa mga awardees. /DYHT 94.3 iFM Bacolod
