General Santos City—Gilubong na kaganina si Police Master Sergeant Emmanuel Coronado, Chief Intel sa Police Station 4 nga una nang gipusil patay kapin usa ka simana na ang nakalabay.
Atol sa paghatud sa uwahing kapahulayan ni Coronado, anaa ang mga tas-as nga opisyal sa kapulisan uban sa iyang mga kaubanan sa trabaho, mga kabanay, higala ug sa iyang pamilya.
Naputos ug emosyon ang lubong sa maong pulis diin nagpabiling singgit sa iyang pamilya nga mahatagan kini ug hustisya.
Una nang gipusil sa wala mailhing suspek si Coronada dihang sakay kini sa iyang sakyanan uban sa tulo niini ka anak.
Nadala pa kini sa balay tambalanan apan gideklara kining dead on arrival. Samtang angol usab ang mga anak niini human nga nadamay.
Facebook Comments
