*General Santos City— Gi-angkon ni Dr. Ryan Aplicador, Chief Of Hospital sa Dr. Jorge Royeca Hospital nga wala pay namugna nga vaccine o anti-biotic batok sa Novel Coronavirus.*
*Ang mahimo lang matud pa nila ug sa uban pang mga hospital mao ang symptomatic treatment, pasabot nga ang mga sintomas sama sa lagnat, ubo, sip-on o ang paglisod sa ginahawa lang ang kaya nilang matambalan ug dili mismo ang virus nga nagdala sa maong sakit.*
*Bisan matud pa sa ubang nasuf hilabina sa china kung asa nagsugod ang maong virus, siya nagtuo nga wala gihapon nakahimo ug tambal kontra niini.*
*Dugang pamahayag ni Dr. Aplicador nga naghatag na ug direktiba ang Department Of Health ngadto sa mga level 2 ug level 3 hospital nga mag-andam ug pasilidad para sa posibleng isolation.*
*Pag-angkon niya nga dili gyud kwalipikado ang Dr. Jorge aron nga mahimong isolation facility gumikan ward tyupe ang maong hospital ug walay mga pribadong kwarto aron nga himuyon nga isolation room.*
*Pag-angkon niya nga nakahatag gyud ug kahadlok sa kumyunidad ang maong virus gumikan makonsidera kini bag-o ug wala pay mga eksperto ang makahatag ug tubag sa kung unsa ang hinungdan ug unsa ang posibleng pangontra niini.*
