Chief Tanod, patay matapos ginluthang bangud sa away sa duta!

236

Mambusao, Capiz–Patay ang chief tanod sa Brgy Bunga sa banwa sang Mambusao matapos ini ang ginluthang alas 8:45 sang aga gamit ang 12-gauge shotgun(pugakhang) .
Ginkilala ang biktima kay Niño Ligazpe y Lopez, 40-anyos ang pang edaron nga nag-angkon sang patal nga pilas sa dughan samtang natigayon naman nga madakpan ang suspek nga ginkilala kay Alfredo Obrencio Jr. y Llanto, 55-anyos ang pang-edaron.
Suno sa kapulisan sang Mambusao, away sa duta ang motibo sang krimen.
Ginpahayag nga yara uyapad ang suspek sang ini ang palapitan sang chief tanod kag ginsita bangud sa pag-arado sang uyapad sa pihak nga ini ang ginakaso pa.
Nagluntad ang masingki nga pagbinaes sa tunga sang mga ini nga ginsundan sang pagluthang sang suspek kay Ligazpe.
Yara nq sa kustodiya sang Mambusao PNP ang 12-gauge shot gun nga gingamit sa krimen lakip ang tatlo ka mga bala.

Facebook Comments

From Advertisers