RMN Laoag – Insayangkat ti Child Rights Network ti Policy Caravan iti pannakaproteher dagiti ub-ubbing aglalo iti panagabusar ken panagrames iti Northwestern University iti pannarabay ti Philippines Legislators Committee on population and development.
Maibasar iti datus ti Convention on the Rights of the Child iti kada 5 nga ubbing ket maysa ti nakapadas iti pannaka-abusar na idinto ta 62 ti biktima ti panagrames iti intero a lubong.
Kabayatan na inbagyan ni Attorney Saul Lazo ni Gobernador Imee marcos kas nagsarita a nangibagaan na a ti gobyerno provincial ti agtultuloy a mangsuporta iti kalikagum ti gobyerno national a pannakaproteher dagiti ub-ubbing.
Mainaig iti daytoy ni businessman and child rights advocate Ryan Remigio ti nangibinsabinsa ti madi nga epekto ti child abuse aglalo iti panagrames a mapaspasamak iti Pilipinas.
Kunana nga iti record ti IN Provincial Police Office iti tawen 2018, ket nakairecord da iti 47 a kaso ti panagrames, 7 ti incest rape, 1 ti attempted rape, 7 ti acts of lasciviousness , 1 ti anti-voyeurism, 1 a child trafficking ken 3 a panagsalungasing ti RA 7610 wenno ti child abuse.
Mamati a kadagitoy a panawen ket alisto a mairesgo dagiti ubbing gapu iti adu a pakakayawanda ken kangrunaan na iti saan unay a pannakaited ti umno a pannaka-aywan ken saan a nadekket ti relasyon ti miembro ti pamilya.
Ti kalikagum ti CRN ket ti pannakiraman dagiti agpanpanday linteg, civil society, ub-ubbing ken dadduma pay a stakeholders a mangpapigsa ken mangpanday iti child responsive laws and policies a maiyemplementar iti intero a pagilian.
Ti grupo ti nangkiddaw iti kongreso a maingato ti tawen a mangdeterminar iti statutory rape iti Pilipinas tapno mabalanse iti pannakaibaba ti tawen iti criminal responmsibility manipud iti 18 ket napagbalin a 12.
Karaman a nagatendar iti taripnong ket dagiti stake holders iti IN ken estudiante ti Mariano Marcos State University ken Deine Word College of laoag.
Bernard Ver, RMN News
