Davao City – Han-ayon karon ang allowable use sa Uyanguren area kun naila nga Chinatown human nasayran nga usa kini ka Tourism Developmental Zone dinhi sa syudad sa Davao.
Sumala ni Councilor Al Ryan Alejandre, dili na mamahimong makatukod og establisemento sa maong lugar kung dili kini subay sa Tourism Developmental Zone.
“The Chinatown area is a tourism developmental zone and is ammended last 2013. On the positive note, this is the only tourism zone in the downtown area. Mao ning nakalahi siya kay sagad tourism naa sa bukid na areas,” segun niini.
Gani mamahimong ‘existing but not conforming’ ang estado sa mga pipila ka establisemento sama sa hardwares apan segun niini nga mamahimo sa gihapong i-renew ang business permits.
Sa pagkakaron naga plano na ang Chinatown Development Council sa mga mosunod nga lakang nasangpit nga lugar ilabi na nga dako og potensyal ang lugar gumikan anaa nahimutang ang Sta. Ana Wharf ingon man ang Magsaysay Park gani posibleng makapatukod og museum ug theme parks.
Ang maong grupo usab naghangyo sa Sanguniang Panglungsod nga magmugna or ordinansa diin kinahanglan tanan establisemento sa Chinatown area adunay Chinese-theme façade sa ilang ipatukod o ipa-renovate.
RadyoMaN Jason Amisola
