Chinese, nagapanguna nga foreign tourists sa Pilipinas sang Abril 2019

28

Nagpanguna ang mga Chinese sa listahan sang mga foreign tourists nga nagbisita sa Pilipinas sang tinalikdan nga bulan sang Abril 2019.
Base sa datos sang “top visitor markets” sang Department of Tourism (DOT), naglab-ot sa 139,177 Chinese tourist ang nag-abot sa pungsod sang Abril.
Ini ang 27% nga mas mataas ikumpara sa 109,789 Chinese nga nagbisita sa pungsod sa kaangay nga panahon sadtong 2018.
Nagapangaduha ang South Koreans nga may 130,707, ikatlo ang US nationals nga may 87,710.
Ang Japanese tourist naman ang nagapang-apat nga may 57,724 kag Australia nga may 28,683 tourist.
Suno sa DOT, ang numero sang tourist arrivals sa pungsod ang base sa arrival kag departure cards kag shipping nga nalista sang Bureau of Immigration sang Abril.
Kadam-an sa mga Chinese nga nagabisita sa pungsod ang nagasulod sa Pilipinas pinaagi sa mga airport sa Manila, Kalibo sa Aklan, Cebu kag Clark sa Pampanga.

Facebook Comments

From Advertisers