Davao City – Kapin kun kulang P3-M ang nakuhang kwarta sa mga biktima sa pagpanulis gawas sa usa ka fast food chain sa Panabo City, Davao del Norte pasado alas-2 karong hapon lamang.
Sa pakighinabi sa DXDC RMN Davao kang Police Col. Ferlu Silvio, ang police director sa Davao Del Norte, gibutyag niini 3 ang mga biktima nga usa ka Chinese national nga si Liyan Pang, residente sa Ladislawa, Davao City, Banana buyer, tag-iya sa usa ka agri-business company ug kauban niini ang iyang driver ingon man ang iyang cashier nga puros Pinoy.
Saysay ni Silvio nga human nangaon ang mga biktima ug sa ilang paggawas kalit na lamang silang gi-istorya sa mga suspek dayon giti-onan og hand gun rason nga nakuha ang anaa sa P3-M nga gikatakdang i-deposit sa mga growers o sa mga trabahante sa Chinese national. Dali usab nga miikyas ang mga suspek ngadto sa wala matinong direksyon sakay sa motorsiklo.
Dugang pa sa opisyal nga naka alerto na ang kapulisan sa ilang gihimong hot pursuit operation diin aduna na usab sumala pay persons of interest subay sa nakasaksi sa insidente.
RadyoMaN Kirby Manzon
