Davao City – Nahimong malinawon ang pagsugat sa bag-ong tuig ngadto sa mga Tsino nga gipahigayon sa Rizal Park kagabii.
Nagsugod ang maong selebrasyon alas 6:00 kagbii ug malinawong natapos alas 12:00 sa tungang gabii.
Nagpahigayon og dance competition nga dunay Chinese concept ug mga ritwal nga gihimo sa mga Chinese monks atol sa pagsugat sa tuig sa Earth Dog ang Davao City China Town Development Council sa koordinasyon sa City Government of Davao.
Sa hugot nga pagbantay sa seguridad sa San Pedro PNP ug sa mga force multipliers niini, malinawon nga nasaulog ang 2018 Chinese New Year kun Kung Hei Fat Choi. Hinoon padayun na sa pagpanglimpyo ang mga pesonahe sa City Environmental And Natural Resources Office (CENRO) sa Rizal Park sa mga bakas sa nahisgutan.
RadyoMaN Paul Canono
