Indi illegal ang Chiyuto double-your-money scheme.
Ini ang gin-athag ni former Pilar, Capiz Mayor Ike Patricio kag spokesperson ni Patrocenio Chiyuto ukon mas kilala sa tawag nga don Chiyuto nga amo ang tag-iya sang Creative Wealth Document Facilitation Services.
“In my own opinion, indi ni siya illegal kay may ari ni siya mga documents. In fact, bag-o ya lang na-renew ang iya SEC… damo ni siya investment noh, in fact he is an investor. May ari ni siya sa forex (foreign exchange). Tapos may ari ni siya sa abroad so damo ni siya kag may mga businesses ni siya nga gina-manage, ” pahayag ni Patricio.
Dugang pa ni Patricio nga posible wala makatilaw sang ‘pay in’ kay don Chiyuto ang pila ka mga indibidwal kabangdanan ila ginakwestyon ang legalidad sang double your money investment scheme.
“Basi wala sila ka pay in kay don Chiyuto. Wala sila ka tilaw sang double your money muna nga gakwestyon. Kay kami nga mga Capiznon nga nakatilaw, wala kami yah gakwestyon kag wala kami ya ga-criticize.”
Ginpabati-bati-an man ni Patricio ang isa ka vlogger nga suno sa iya amo ang nagaguba sa ila kumpaniya.
Suno kay Patricio nga wala na sang plano ang ila kumpaniya nga pasakaan ini sang kaso bangud may kaso naman ini kag warrant of arrest kag nagapanago na karon sa Manila.
Nahibaluan nga sa double your money investment scheme, naga-invest sang kwarta ang tawo sa diin magadoble ini pagkatapos sang 30 ka-adlaw.
