Davao City – Nagpadayon karon ang kampanya kontra Dengue sa pagpanguna sa City Health Office (CHO) aron malikayan ang makamatay nga sakit.
Sumala ni City Health Officer Dr. Josephine Villafuerte, usa sa ilang gihimo ang fogging, cleaning, health education ug uban pa aron malikayan ang pagtaas sa kaso sa maong balatian sama sa ubang mga kasyudaran ug kaprobinsyahan.
Alayon niini padayon nilang giawhag ang katawhan nga ipadayon ang 4 O’clock Habit sama sa pagpangyabu sa mga nagpundong tubig gikan sa mga lata, ligid ug uban pang nagpundong tubig diin didto mangitlog ang lamok nga nagdala sa dengue.
Nanawagan usab sila sa mga tawo kung kinsa kadtong nakasinati ug kalintura nga nagbalik-balik kinahanglang ipacheck up sa doctor.
RadyoMaN Bernard Pantallon
