CHO: Makalapas sa anti-dengue ordinance, multahan na

Davao City – Gipahimangnoan sa Davao City Health Office (CHO) ang Dabawenyos nga sundon ang ginapatuman nga anti-dengue ordinance subay sa probisyon sa “Strengthening and Institutionalizing the Davao City Mosquito Borne Disease Protection and Control Program” or City Ordinance No. 0401 series of 2020.

Matud ni CHO Tropical Division Head Melodina Babante, nakig-alayon na sila karon sa City Treasurer’s Office, City Legal Office, ug sa Barangay and Cultural Communities Affairs Division aron mamultahan ang mga residente nga makataan og mosquito breeding sites ang ilahang mga pinuy-anan ug mga establisemento.

Ilawom sa city ordinance, ginadili ang paglabay og daan nga mga ligid, ingon man walay tabon nga plastic drums, water tanks ug containers nga maoy posibleng itlogan ug puy-an sa lamok.

Ang makalapas sa maong direktiba, multahan og P1,000 ug 2-day community service alang sa first offense; P3,000 fine ug 4-hour community service alang sa second offense; ug P5,000 fine ug 4-hour community service alang sa third offense.

Sa datos sa CHO, gikan Enero hangtud Abril 18, 2024, nakatala na og 1,140 dengue cases ang Davao City ug dunay natalang 8 ka namatay, diin mas taas ang casualty itandi sa 6 cases nga natala sa susamang period sa 2023.

RadyoMaN Kirby Manzon