CHO: Personahe sa community surveillance sa INFLUENZA-LIKE ILLNESS, paigo

25

Davao City – Adunay igong personahe ang City Government of Davao alang sa gisugdang community surveillance batok sa Influenza-like illness (ILI) ug Coronavirus Disease 2019 (COVID-19).

Matud ni Dr. Ashley Lopez, hepe sa Davao City Health Office (CHO), sa interbyu sa city-owned radio, gibutyag niini nga anaa sa kapin 1,000 contact tracers ang gi-hire sa lokal nga gobyerno alang sa maong lakang.


Wala pay labot niini ang mga district health staff o mga health workers nga gikalangkuban sa mga doktor, Barangay Health Workers (BHWs), Barangay Nutrition Scholars (BNS) ug Barangay Health Emergency Response Teams (BHERTs) nga mutabang alang sa gipakusgang surveillance batok sa COVID-19.

“This would be enough para atong ma-implement ‘ning atong intensified case finding ug surveillance sa atong komunidad, barangays ug distrito diri sa Davao,” segun ni Lopez.

Gipasabot ni Lopez nga kinahanglang magbaton og daghan nga testing batok COVID-19 aron masayran ug makumpirmang hingpit nga napaubos ug nakontrola sa syudad ang kaso sa COVID-19.

Sa gipagawas nga Executive Order (EO) No. 18 Series of 2021 (An Order Providing For Heightened Surveillance and Response Of Covid-19 Cases In Davao City), kinahanglan nga i-monitor ang close contacts sa ILI sa simtomas sa maong balatian o sa COVID-19 aron i-swab kung magbaton man.



RadyoMaN Kirby Manzon


Facebook Comments