CHO: Polio round 2 strategy epektibo

Davao City – Positibo ang City Health Office (CHO) nga makab-ot ang 100% ang mabakunahang bata batok polio sa second round sa maong kampanya diin kini Mindanao wide na.

Sa interbyu sa DXDC RMN Davao kang Eldy Sombilon, National Immunization Program Coordinator – Davao City, gibutyag niini nga mas daghan ang nagbakuna sa second round kung itandi sa first round.

“Mas taas ang accomplishments karon compare sa first round kay mas daghan ang mihatag og pagtugot sa mga bata nga mabakunahan,” saysay ni Sombilon.


Segun ni Sombilon nga kini tungod usab sa bag-ong estratehiya nga gihimo sama sa pagmontar og health personnel sa terminals ug checkpoints sa syudad.

As of November 28, 2019 anaa na sa 81.12% ang nabakunahan sa entero dakbayan.

Ang second round sa vaccination nagsugod sa Nobyembre 25 – Disyembre 7, 2019 samtang ang third round muarangkada sa Enero 6-18, 2020.

RadyoMaN Kirby Manzon

Facebook Comments