Davao City – Gibutyag sa City Health Office (CHO) nga mas bulnerable sa Coronavirus Disease 2019 (COVID-19) ang smokers kun nagapanigarilyo itandi niadtong non-smokers.
Matud ni CHO Head Dr. Ashley Lopez, taas ang posibilidad nga ma-transmit ang virus gikan sa kamot padulong sa baba sa mga nagapanigarilyo.
Matud ni Lopez, ang pagpanigarilyo o bisan ang vaping makadaut sa cilia o ang nagatabang sa pag trap sa debris sa bacteria ug viruses sa nasopharynx sa baga.
Kini ang rason nga daghang smokers ang naga-develop og common colds, dugay nga pag ubo nga mulungtad og semana o kaha bulan.
“Conditions that require higher Oxygen requirement can reduce the ability of the body to utilize this properly putting the patient at higher risk of developing serious lung conditions such as pneumonia, as well as COVID 19-ARD (Acute Respiratory Disease),” tataw ni Lopez.
Pahinumdom ni Lopez nga mas maayo nga likayan o undangon na ang pagpanigarilyo, paggamit og vape ug uban pang tobacco aron malikay sa unsa mang balatian.
RadyoMaN Kirby Manzon
