Davao City-Nagpahimangno karon si City Health Office Head Dra. Josephine Villafuerte ngadto sa katawhan nga mag-doble igmat panahon sa ting ulan ug pagbaha gumikan sa posibleng makuhang balatian sama sa dengue ug leptospirosis.
Base sa pinakaulahing datos sa CHO, di muubos sa 1,500 ka dengue cases ug 27 leptospirosis cases ang natala sa Davao City gikan enero hangtod unang semana sa Septyembre karong tuiga.
Sumala ni Villafuerte nga kung ikumpara sa figures sa milabayng tuig, dako ang pagkunhod sa ihap sa mga kaso sa duha ka mga ‘rainy season diseases’ kung ikumpara sa susamang period niadtong 2016 tungod sa gihimong mga interventions sa lokal nga panggamhanan.
Ang Talomo, Buhangin ug Sasa areas maoy nagpabiling mga dengue hot spots dinhi sa dakbayan hinungdan nga gi-intensify nila ang ilang kampanya kontra dengue sa maong mga lugar.
Hinuon adunay ubay-ubay usab ka mga leptospirosis cases ang natala sa Maa ug Agdao.
Segun ni Vllafuerte nga kung adunay pagbaha sa usa ka lugar, muhimo gilayon og aksyon ang CHO ngadto sa mga residente aron ma-prevent ang pagkaylap sa maong mga balatian.
RadyoMan Aimee Guinita
