Davao City – Adunay dakong posibilidad nga wala gipatay sa Buhangin area ang nakit-ang chopped body parts sa may Cabantian Road, Buhangin, Davao City gahapong adlawa.
Sa interview sa DXDC RMN Davao kang Buhangin PNP Chief of Police Chief Inspector Jack Tilcag, nagtuo kini nga igo lang gilabay ang patay’ng lawas sa biktima gumikan wala kini na-monitor nga mibuhat sa susama nga krimen sa ilang area of responsibility.
Dugang ni Tilcag nga ila usab ginasubay ang motibo sa maong pag tagod-tagod sa lawas sa biktima gani usa sa mga ginalantaw nila nga ang suspek usa ka adik o bin ba kaha adunay kasuko sa maong babaye.
Matod pa niya nga nagpaabot pa sila sa imbestigasyon sa SOCO aron masayran kung unsa nga mga organs ang gikuha sa biktima.
Panawagan ni Tilcag sa publiko nga kanunay monitoron ang lakaw sa matag miembro sa pamilya ug kanunay magbinantayon aron malikay sa peligro nga binuhat ra usab sa mga kriminal.
RadyoMaN Abi Bibera
