Choreographer, nakit-an nga patay na ha sakob han iya panimalay ha Tacloban

2724

TACLOBAN CITY – Malain nga baho an nababahuan han pira nga residente tikang ha Phase 2, Block 53, Lot 20, North Hill Arbours, Brgy. 106 Sto. Nino, Tacloban City.

Han waray kailubi, ginsakob ini nga panimalay ni Norma Redoña Lopera, 41 anyos, residente han Phase 2, Block 5 han mao nga lugar ngan nakit-an niya an patay nga lawas han usa nga lalaki kakulop.

Ha report han Tacloban City Police Office, ginkilala an patay nga lawas kan Ryan Lagunzad Brun, 38 anyos, usa nga choreographer ngan residente ha nasabi nga lugar.

Han madiskobre an patay nga lawas kasangkulop, gumawas ha inisyal nga imbistigasyon han Tacloban PNP nga nawawara an upat nga cellphone han biktima.

Sumala kan PCInsp. Rex Cantillep, Deputy City Director han Tacloban PNP, possible robbery with homicide an panuyo han suspek.

Ha pagka yana, padayon iton imbistigasyon han mga kapulisan agud mabaruan kun hin-o an nagpapaluyo hini nga krimen.

Facebook Comments