Christmas decor ug pamaskong handog madayun bisan may COVID

40

DAYAN-DAYAN SA PASKO SA BUTUAN OG PAMASKONG HANDOG SA CITY HALL MADAYON TALIWALA SA PANDEMYA
Taliwala sa krisis pandemya nga nasinati dala sa COVID 19 apan masaksihan gihapon sa mga katawhan sa dakbayan sa Butuan ang mga dayan-dayan sa pasko dinhi sa syudad.
Hinoon gipaklaro ni Michiko de Jesus, sa City Public Information Office nga dili na sama kabibo ug kabongga ang makitang dayan-dayan sa nakalabyang mga tuig sanglit walay mga programa alang sa ‘switch on ceremony’.
Makita ang mga dayan-dayan sa pasko diha sa Butuan City Hall, Sangguniang Panlungsod Building ug Guingona Park kung diin dungan kining pasiga-on sa ikaduhang semana sa Disyembre ning tuiga.
Nag-awhag ang LGU Butuan sa mga katawhan nga magbutang usab ug dayan-dayan sa pasko sa ilang panimalay ug mga pribadong gambalay aron masinati gihapon ang diwa sa pasko taliwala ning pandemya.
Malipayong gipabihalo usab sa opisyal nga magpadayon ang naandang programa nga Pamaskong Handog sa City Hall karong buwan sa Disyembre pinaagi sa pagpanghatag ug gasa-regalo alang sa mga kabus nga katawhan gikan sa 86 ka mga barangay nga sakop ning syudad.
file photo….

Facebook Comments