LGU Butuan may 2 ka bag-ong rescue truck

16

2 ka Rescue Truck sa Butuan City Disaster Risk Reduction and Management Office, Niabot Na
Niabot na sa Butuan City ang duha ka rescue truck sa City Disaster Risk Reduction and Management Office, adlawng lunes.
Kamulo silag plastar sa mga gamit nga isulod sa duha ka truck sama na lang sa circular saw, concrete saw, helmet, ug protective gears nga gamiton sa mga morespondeng mga personahe.
Ang mga gamit sa duha ka rescue truck mamahimung magamit ugaling dunay mahitabong mga aksidente labi pa kadtong kinahanglang kuhaon sa sakyanan nga mga biktima.
Duna sab kini kapasidad sa pagkuha og mga biktima nga nadat-ugan sa mga mi collapse nga mga building. Ang mga makuhang mga biktima nga kinahanglan og medikal nga atensyon dayon kining ibalhin sa CDRRMO nga ambulance.
Gibutyag sa taga CDRRMO nga daku na kinig tabang alang kanila tungod madala nila sa nahitabuan ang mga rescue equipment. Apan dakung hagit sab karon sa CDRRMO ang pagresponde sa nahitabuan busa giawhag nila ang mga residente nga motawag dayon sa CDRRMO ugaling dunay mahitabo sa ilang dapit. Kung paspas ang tawag dali sab silang makaresponde.
Gawas sa lifting ug towing capability, dunay Multi-directional tower light, high-end lighting ug siren accessories ug communication system.
Butuan City PIO

Facebook Comments