Lauman sang mga pumuluyo sang banwa sang Surallah kag kaiping nga lugar sa South Cotabato ang mas makulay nga Christmas Festival subong nga tuig.
Suno kay Surallah Mayor Antonio Bendita, ang ila “Kasadya Christmas Festival” nga yara na sa ikapito ka tuig ang pangtapat sa mga tourist destinations sa iban nga lugar sa South Cotabato.
Aminado man si Bendita nga kumparar sa iban nga mga lugar sa probinsya, wala sang ipadayaw nga mga falls ang banwa kag iban pa nga turismo nga dagsaon sang turista ang Surallah.
May-angot sini, suno sa alkalde paagi sa pag-level up sang tuigan ngaChristmas festival dagsaon sang mga turista ang ila nga lugar.
Samtang, ginpahayag naman ni Surallah Vice Mayor Pinky Divinagracia nga ang naandan sang nagligad nga tuig nga may contest sa subong wala na suno pa sang matabo nga pacontest sa Christmas lights sa Surallah Municipal Grounds.
Suno kay Divinagracia ginkontrata na lamang sang lokal nga panggobyerno sa isa ka kumpanya nga amo ang magbutang sang dekorasyon sa palibot sang munisipyo matapos nabudlayan na sila nga kumbinsiron ang mga eskwelahan kag mangin ang mga establisemento nga mag-intra sa pa-contest.
Pormal naman nga buksan ang 7th Kasadya Christmas Festival sang Surallah sa Disyembre 1 kag magadugay tubtob sa Disyembre 30 sa diin masaksihan man ang mga nagkalain-lain nga mga aktibidad nga ginpainan sang local government unit sang masobra P7 million.
Nahibaluan nga kilala ang Surallah bilang Christmas Capital sang South Cotabato.
