BACOLOD CITY – May ginpreparar nga traffic scheme ang Bacolod Traffic Authority Office ukon BTAO agud indi mag-gutok ang trapiko angut sa pagbukas sang Christmas Festival of Lights 2018 karon sa gab-i sa Bacolod City public plaza.
Ini angut sa patigayunon nga ceremonial switch-on sang mga Christmas lights sa plaza nga pagalakipan sang street dancing upod ang pagpasundayag sang mga matahum kag colorful nga mga suga.
Ang Christmas Festival of Lights 2018, isa ka proyekto sang local government sang Bacolod City kag sang STI West Negros University.
Patigayunon ang opisyal nga pagpasiga sang mga colorful lights las 6 sini nga gab-i kag ginapaabot nga ini ang pagatambungan sang ginatos ka mga pumuluyo.
Umpisa las 4 subong nga hapon sarado na ang B.S. Aquino Drive – Lacson padulong sa Rizal – Lacson sa diin magalawig ini tubtob las 8 sang gab-i. /File photo
