Davao City – Mubantay og apil ang tanang mga personahe sa kasimbahanan dinhi sa syudad alang sa pagpalig-on sa seguridad karong ‘Simbang Gabi.’
Segun ni Task Force Davao (TFD) Commander Col. Consolito Yecla, nipasalig ang mga taga-simbahan nga sila mo-asistir usab sa mga awtoridad.
Karong adlawa, usa ka community-oriented security initiative gitawag nga “Tapat Ko, Bantay Ko” gipahigayon sa Task Force Davao uban ang mga church workers.
Matud ni Yecla, ang maong koordinasyon dako’g ikatabang sa pag-improbar sa atong seguridad tungod kay kini maoy magsilbing dugang mata ug dalunggan sa mga tinugyanan sa balaud.
Mamahimong maka-inspeksyon sa mga backpacks, unattended baggages, motorcycles, non-transparent water containers ug robe-like dresses ang tanang mga church personnel.
RadyoMan Aimee Guinita
