Davao City – Wala makapahunong ang Enhanced Community Quarantine (ECQ) sa padayon nga pagsimba sa mga miyembro sa Christ is Risen Alliance Fellowship (CIRAF) nga nahimutang sa Rivera Village Bajada ning siyudad sa adlaw’ng Domingo.
Pinaagi sa online, malipayong nagsimba ang mga Kristohanon ilawom sa CIRAF diha sa pagdayeg ug pagpaminaw sa mensahe sa Diyos pinaagi kang Reverend Dominador Cabuenas sulod sa kapin duha ka bulan.
Sumala ni Rev. Cabuenas, nangandoy na ang iyang mga miyembro nga mabalik na sa normal ang sitwasyon aron bakwion na sa gobyerno ang pagdili sa kalihukan sa mga relihiyon sama sa Corporate Worship.
Apan sa personal nga lantaw ni Rev. Cabuenas, tukma nang panahon aron ibalik na ang kagawasan sa katawhan nga makasimba sulod sa ilang mga kasimbahanan.
Kung ang mga nag-unang industriya gipabalik na sa operasyon na angay sab ibalik kon ablihan ang mga simbahan aron ang mga miyembro kon mga tulumu-o makasimba sa adlaw’ng Domingo.
Ugali ikunsidera sa gobyerno ang pagbalik og simba sa mga simbahan usa matud niini ang pundok sa CIRAF nga una nga mutamod ug mosunod sa guidelines sa pagsuot og facemask, social distancing, ug uban pa.
RadyoMaN Joel Viray
