CIDG-7 Director Lito Patay ,di patay ang tuyo sa rehiyon

115

Dili patay ang tuyo sa bag-ong nilingkod nga direktor sa Criminal Investigation and Detection Group-7 nga si Sr. Supt. Lito Patay .

Gipasalig ni Colonel Patay nga gukdon niini ang mga tawo nga gipangita sa balaud ug adunay warrant of arrest aron sila dakpon ug bilanggoun ug dili kay patyon.

Matud ni Patay , lakip sa gimando sa Kampo Crame mao ang pagpuhag sa grupo sa mga kriminal dinhi sa Central Visayas .

Totokan usab niini ang mga high-profile nga kaso sa ilang buhatan lakip na ang pagpatay sa pulis nga si PO3 Eugene Calumba , nga una nang gipasanginlan nga nisuway sa pag-ambush sa sakyanan ni Tejero Barangay Councilor Jessielou Cadungog.

Sa pikas bahin ang mga opisyal sa kapitolyo niawhag usab sa publiko nga di dayon hukman si Patay tungod lang sa pangan niini .

Facebook Comments