Duha ka managlahing insidente sa pagpangluba ang natala sa City Hospital diin ang mga biktima niini pulos naka angkon ug samad dinunggaban sa ilang kalawasan.
Una niini, usa ka 17 anyos nga lalaki ang nadala sa balay tambalanan human kini maka angkon ug samad dinunggaban sa nahitabong rambol pasado alas 8 ang takna sa kagabhion sa may Laville,Baraas Tubod , ning dakbayan sa Iligan.
Diin ang maong menor de edad daling gidala sa maong ospital apan naka pauli ra kini human nga matambalanan ang iyang mgasamad.
Samtang, nagpabilin pa sa tambalanan ang usa ka ulitawo human kini giluba sa iya ra usab nga kaila ala una singkwenta’y singko ang takna sa kadlawon diha sa may Purok 9 Tambacan ning dakbayan.
Biktima nailing si Jackie Talabo 25 anyos single usa ka sikad driver ug molupyo sa Laguindingan Misamis Oriental, apan kasamtangang nagpuyo kini sa Purok 9 Barangay Tambacan.
Matud pa, nga nag ilog sa pwesto sa tulganan ang biktima ug ang suspetsado nga naila lang sa pangalang “Franklin” nga miresulta sa pagdunggab sa maong suspetsado ngadto sa biktimagamit ang usa ka kitchen knife.
Naka angkon ug samad dinunggaban sa kilid, abaga, bukton ug paa ang maong biktima nga daling gidala sa City Hospital samtang ang suspetsado nagpabilin pa gihapong gawasnon hangtud karon.
