Davao City- Niabot na sa 2,177 ka mga drayber ang nadakpan ug naisyuhan og citation tickets sukad gisugdan ang maong implementasyon kaniadtong adlawng lunes, Setyembre 11.
Samtang ang datos usab sa nakalapas sa Anti-jaywalking ordinance anaa na sa 1,645 ka mga tao diin 641 niini ang nakabayad na sa ilang multa sa City Treasurer’s Office (CTO).
Sagad sa mga jaywalkers nadakpan tungod wala miagi sa pedestrian lane ug wala nagsunod sa traffic light signals.
Base kini sa datos nga natala sa City Transport and Traffic Management Office kun CTTMO sugod kaniadtong adlawng lunes kutob karong adlawa.
Gipamahayag ni Retired Superintendent Dionisio Abude, ang CTTMO head nga padayun ang ilang operasyon sa pagsikop sa mga drayber ug mga jaywalkers nga malapason sa balaod trapiko.
Dugang ni Abude, gihatagan og pito ka adlaw ang mga na-isyuhan og citation tickets nga mga drayber ug jaywalkers alang sa pag-settle sa ilang mga obligasyon sa CTO apan ang dili magpakabana, makadawat og summon gikan sa lokal nga gobyerno sa siyudad sa Dabaw.
Kasamang Don Pulayao
