Roxas City, Capiz – Isa ka sinapol ang ginpatigayon sang City Anti-Drug Abuse Council ( CADAC) sa Roxas City Hall sang nakaligad nga Hulyo 31 sini nga tuig.
Kalakip sa gintalakay amu ang pagpasangkad sang kampanya sa pagtapna sang ilegal nga droga kun sa diin kalakip sa nakasugtan sang CADAC amo ang pagpadayon sang Community Based Rehabilitation Program (CBRP) sa kabarangayan, partnership sa nagkatuhay nga ahensya sang gobierno para sa mas epektibo nga implementasyon sang programa, paghatag sang PNP Assistance sa Barangay Anti-Drug Abuse Council , maid-id nga screening sa mga drug surrenderees, monitoring sa kabarangayan kag paghingyo sang aktibo nga suporta kag kooperasyon sang LGU/ City Government.
Samtang yara man nagtambong sa sinapol ang bag-o nga OIC Chief of Police sang Roxas City PNP nga si PCOL. Ricardo Jomuad , CBRP Coordinator Dr.Faye Besana sang City Health Office, mga opisyales sang barangay nga nagapanguna sa Barangay Anti-Drug Abuse Council (BADAC) , Red Cross kag iban pa nga ahensya.
(c)- RCGG
