General Santos City— Pipaklaro ni Bong Dinopol,CPA, ang city assessor sa Gensan nga dili sila lambigit sa gika-ingong 8.7 billion ka pesos nga road right of way scam sa dakbayan pinaagi sa DPWH.
Sumala niya nga igo lang nagahatag ug tax declaration ang Assessors Office higayon nga adunay titulo.
Pamahayag niya nga nakatakda siyang magpasang-at ug kaso batok kang Roberto Catapang nga sumala pa whistle blower sa maong scam kung asa gibutyag niini nga brooker kaniadto sa dakbayan ang nahisgutan ug iyaha kining kaila.
Dugang pag-angkon ni Dinopol nga wala na siya nasayud kung unsa nga tuig ang gika-ingon nga scam gumikan ubay-ubay na usab ang mga tax declaration nga ilahang nahimo.
Gani mga tulo katuig na ang nakalabay aduna nay taga-CIDG National ang mibista kaniya aron sa pagsuta sa maong isyu, apan iyahang gibutyag nga unsa mang ang mga transaksyon sa ubang ahensya ang dili niya matubag.
Samtang sa kabahin ni Gensan City Mayor Ronnel Rivera, gibutyag niini nga usa ka mayaOng lakang ang pagpasang-at ug kaso nga himuon sa city assessor sa dakbayan batok na sa mga responsable sa pagpakatag sa maong isyu.
Gani hangtud matud pa sa karon wala pa siya nasayod kung asa nga dalan ang gika-ingon scam. andam matud pa nga musuporta ang lokal nga panggamganan sa unsa mang imbestigasyon nga pagahimuon aron nga matapos ang maong hisgutanan.
