City Building: Structural repairs gitutukan

23

Davao City – Onse ka mga gambalay karon ang gitutokan sa Office of the City Building Official (OCBO) sa City Government tipik ug kabahin sa nagpadayong repair works sa maong mga istruktura human gipailawon sa ‘yellow code’ kun ‘immediate repair status’ ug ‘red code’ kun ‘not safe status.’

Matud ni Engr.Cirinia Grace Catubig, Acting City Building Official, tulo ka mga malls dinhi sa syudad ang nagpabilin sa ‘yellow code’ mientras walo ka mga condominiums usab ang dili luwas kapuy-an tungod sa mga major cracks nga nasinatian niini human sa sagunson nga linog nga mitay-og denhe sa Mindanao.


Matud ni Catubig, gipasalig sa mga structural engineers sa walo ka mga condominiums nga matapos ang ilangh ongoing repair una pa man mahuman ang bulan sa March samtang target usab sa tulo ka malls nga mahuman ang ilang repairs works karong bulana or kutob sa February.

“On-going mi mag-monitor sa pagtrabaho nila, pag mahuman na gayod, i-re-inspect gyod namo siya tanan na pod, una pa man namo siya ma-lift from ‘yellow’ ba siya o ‘green’ ba siya,” sumala ni Catubig.

Hugot nga pahimangno sa inhinyero ngadto sa mga tagdumala ug sa mga residente sa apektadong condominiums nga gipailawom sa ‘red code’ nga tumanon gayod ang mando nga immediate evacuation tungod ug alang sa seguridad sa tanang mga okupante sa nasangpit nga mga delikadong pasilidades.

“Kung dili sila mutuman sa order, risk na nila… og unsay mahitabo ana, ma-‘forced to vacate’ gyod na sila kay gi-declare na gud ang building nga dili siya safe,” sumala ni Catubig.

RadyoMaN Aimee Guinita

Facebook Comments