Davao City – Pasado kun nakalusot na sa deliberasyon sa 19th City Council sa Davao ang ordinansa nga mag-abli sa posibilidad sa katukoran sa usa ka educational institution paga-ilhon nga City College of Davao (CCD).
Matud ni Councilor Pilar Braga, SP Committee on Education, Science and Technology, Arts and Culture chairperson ug CCD project leader, paspasan nila karon ang pag-comply sa tanang rekwisitos nga gikihanglan sa Commission on Higher Education (CHEd).
Sumala ni Braga, diha sa napasar nga ordinansa gitangtang usa nila ang provisions sa budget, tax exemption para sa income ug donations ug temporary site alang ning maong City College.
“This is a gift for the Davaoeños, especially for our young people, the sector nga most underserved, most disadvantaged sector… ang mga kabataan nato (who) do not have access to education. Sa City College, this is going to be free tuition for our learners,” dugang sa konsehala sa First District.
Sa unang hugna, mokabat sa 1,000 ka mga estudyante nga taga-Davao makabenepisyo sa libreng tuition sa kolehiyo gilaumang mo-arangkada na karong July 2020.
Dugang ni Braga, aduna nay 40 ka mga magtutudlo gi-preparar sa syudad alang sa pagatukorong City College.
Ang Alternative Learning System (ALS) Building mao una ang magsilbing temporaryong classroom sa pioneering batch sa mga estudyante.
Matud ni Davao City Mayor Sara Duterte, mo-total sa P100-M estimated budget gihikyad karon sa LGU alang sa i-establisar nga sa City College of Davao.
RadyoMaN Aimee Guinita
