Davao City- Gipadali na karon sa lokal nga panggamhanan ang pag-montar sa pagatukoron nga City College of Davao (CCD).
Segun ni Sangguniang Panglungsod Committee on Education chair Councilor Pilar Braga, usa kini karon sa mga prayoridad nga proyekto ni Davao City Mayor Sara Duterte-Carpio.
Sa unang hugna, mokabat sa 1,000 ka mga kwalipikadong estudyante nga taga-Davao ang makabenepisyo pinaagi sa pagtungha nga libre ang ilang tuition.
Niadtong Martes, usa ka resolusyon ang naduso sa hawanan sa 19th City Council alang sa pag-operationalize sa maong proyekto subay sa request sa alkalde nga mapasar kini ilawom sa suspended rules time.
“By July 2020, mag-operate na ang City College. Iyong mga senior years natin ngayon, they will automatically be enrolled in the City College. Ang initial infrastructure will be at Alternative Learning System…we have a series of buildings doon, aayusin lang iyon para maka-start iyong proseso,” matud ni Braga.
RadyoMaN Aimee Guinita
