Sa report sa Davao City Information Office (CIO), gibutyag ni CCD President Wenefredo Cagape nga alang sa school year 2024-2025, mudawat ang eskwelahan og 320 freshmen students.
Ang maong mga estudyante mamahimong mag-enroll sa CCDs programs: Bachelor of Early Childhood (BECEd), Bachelor of Science in Entrepreneurship (BSEntrep), Bachelor of Technical-Vocational Teacher Education Major in Computer Programming, ug Bachelor of Technical-Vocational Teacher Education Major in Heating, Ventilating, Air Conditioning, and Refrigeration Technology.
Matud ni Cagape, naka-schedule ang submission sa application sa city college sa June 3-14 ug ang screening himuon sa June 17-21. Samtang, ang naka-schedule usab ang enrollment sa first year o bag-ong estudyante, sa July 3-5, 2024.
Kinahanglan lang sa mga estudyante nga magpasa og duly filled-out Application for Admission Form, PSA Birth Certificate, Recent Senior High School Report Card (SF9) o Appropriate Alternative Learning System (ALS) Certificate alang sa ALS graduates.
Kinahanglan usab nga sila residente sa Davao City nga naggkan sa low-income household, pinaagi sa pag-submit og Certificate of Residency issued by the barangay government, Income Tax Return (ITR) sa ginikanan o Certificate of Low Income nga giisyu sa Office of the Barangay Chairman.
RadyoMaN Kirby Manzon
