Roxas City, Capiz – Ginaduso subong sa Sangguniang Panlungsod ang ordinansa nga maga-obliga sa mga tricycle driver nga magpaidalom sa traffic seminar.
Ini ang ginrekomendar ni City Councilor Cora Balgos-Tiangco may kaangtanan sa ginaduso ni City Councilor Atty. Garry Potato nga pag-amendyar sa naga-eksister nga franchise regulatory ordinance sang syudad.
Diri nakapagkit nga mas pahabaon ang tuig antes ang renewal sang prangkisa sang mga trasikol operators.
Apang sa pihak sini, mas istriktohon naman sang syudad ang mga requirements sa pagkuha sang prangkisa agud nga indi makalusot ang mga indi sang residente sang Roxas City ukon ang mga ginatawag “dummy operators”.
Kinahanglan anay nga magsumiter sang affidavit ukon sertipikasyon nga nagapamatuod nga ang isa ka aplikante ang residente sang Roxas City.
