General Santos City—Dili pa angayang tugutan nga makagawas ug makalaag sa mall ug sa mga pampublikong lugar ang mga bata nga nagpang-idaron ug 14 anyos paubos aron nga malikay sa makamatay nga Covid-19. Kini ang nahimong pahayag ni Gensan City Councilor Lourdes Casabuena, naghupot sa komitiba sa Social Services sa Sanguniang Panglungsod atol sa pakighinabi kaniya sa RMN Gensan news team.
Sumala sa opisyal nga kung unsa ang gisulti sa National Inter Agency Task Force bahin sa edad sa mga minors nga pwede na makalaag sa mall mao lang kadto ang angayang sundon. Alang kaniya pwede nang makagawas ang 16 anyos pataas kay padulong naman kini sa hamtong apan ang 14 nga edad paubos ang dili pwede tungod anaa ang risgo sa covid ilabi na kung hina ang immune system sa usa ka bata.
Dugang pahayag ni Kagawad Casabuena nga mas maayong hulaton na lamang ang saktong panahon nga mobalik na sa normal nga sitwasyon aron dili na mabutang sa peligro ang kinabuhi sa mga bata tungod ang maong balatian.
