Nadala sa Intensive Care Unit kon ICU, sa Polymedic Plaza, sa kauswagan Highway ning syudad, si City director, Police Col. Nelson Aganon.
Kini human ang maong police official, na-disgrasya, bandang alas 3 ang takna kagahapong adlawa, May 22, sa iyang gisakyang motorsiklo., sa ilang “motorcycle riding course”, nga gipahigayon sa Open filed sa Camp Evangelista Patag ning syudad.
Si Aganon, lakip sa ubang mga police officials ug enlisted police officer sa region 10, nga mi-apil sa 45 days Motorcycle riding Couse, nga gipasugda sa Phil. National Police.
Matud ni Lt. col. Mardy Hortillosa, nga spokesman sa Cagayan de Oro City Police office, kon cocpo, nga bandang 3 p.m. kagahapon si Aganon misakay sa iyang kawasaki Motorcycle, alang sa ilang Motorcycle Pre-jump activity.
Apan matud ni Hortillosa, nga na-digyas sa kahoy nga rampa, ang ligid sa motor ni Aganon, nga nag-resulta sa iyang pagka disgrasya.
Nasayran nga pagtugpa niini sa yuta, nag-una ang iyang dughan ug ulo, hinungdan nga gidali kini pagkarga sa Ambulance ug gidala sa Hospital.
Hino-on matud ni Hortillosa, nga nahuman na ang Operation sa Ulo ni Aganon kagahapon.
Matud ni Hortillosa nga human sa Head operation ni Aganon, gidala dayon siya sa ICU sa Polymedic Plaza
Seryoso ang tawag ni Hortillosa sa kahimtang ni Aganon, sa dihang ila kining gidali pagdala sa Polymedic Kagahapon.
Ang dili pa masulti ni Hortillosa, kon unsay update sa Medical Bulletin ni Aganon, samtang nagpadayon sila sa ilang Motorcycle riding course karong adlawa.
Matud ni Hortillosa, nga mandatory kanika mo-apil sa motorcycle Pre-jump Activity, tungod kay kung dili sila moapil sa pre-jump activity, dili sila maka-graduate sa Motorcycle riding Course
Matud ni Hortillosa, nga ang ilang pagkuha sa Motorcycle riding Course, ilang magamit sa ilang Police Promotion labi na kadtong mga Police nga mo-apply sa pagka Organic member sa Highway Patrol Group kon HPG.
