Gawas sa Solid Waste Management, aduna usay Water Waste Management Division nga ilawom sa City Environment and Natural Resources kon City ENRO.
Sa interview sa RMN ngadto kang City ENRO Head Anita Fernandez gibutyag niini nga ila usab nga gidasig ang katawhan nga adunay luna sa dakbayan sa Malaybalay nga mananom ug mga kahoy aron pabalik ang kabugnaw ug ma-atiman ang mga tinunbdan sa tubig sa siyudad.
Matud ni Fernandez nga adunay available nga mga seedlings sa city nursery nga andam ipanghatag sa mga gustong mangayo.
Muadto lang daw sa ilang opisina alang sa request aron mahatagan ang adunay maximum 3 hectares nga yuta nga pwedeng matamnan.
Sa maong pamaagi makatabang kini aron sa pagpabalik bugnaw’ng Malaybalay.
Gidugang usa niini nga libre ang maong mga seedlings ug alang lang usab kini sa mga nanag-iya ug mga yuta nga sakop sa Malaybalay.
Gipasalamatan usab sa City ENRO ang publiko nga naningkamot aron mapabalik ang kabugnaw sa siyudad.
