SYUDAD sang Iloilo – Nagapangita isa ka ektariya nga duta ang city government agud himuon nga urban forest.
Suno kay City Environment and Natural Resources Office (City ENRO) Head Engr. Noel Hechanova, ini karon ang iya assignment sa pagsulod sang administrasyon ni incoming Mayor Jerry TreƱas.
Plano ni Hechanova nga maghingyo sang usufruct sa isa ka pribado nga tawo nga ipaggamit ang duta sang libre agud himuon nga urban forest sa sulod sang 25 ka tuig ukon masobra pa.
Dako ang mabulig sang urban forest sa palibot kag makatuon man ang mga estudyante kun ano ang makita sa isa ka kakahuyan.
Maggamit man ini sang mga kabataan sa ila pagtuon kag mangin isa ka tourist attraction.
Nahibaluan nga isa ang urban forest sa gusto nga himuon ni trenas sa iya pagpungko bilang akalde sang syudad.//via Joel Franco reports
Photo from web
