Malay, Aklan – Natigayon nga maaresto it mga otoridad rong sangka foreman matapos nga ginpaidaeom sa buybust operation kabii sa Brgy. Yapak, Boracay, Malay, Aklan.
Ro subject nakilaea kay Samuel Jumauid Sr., y Garde alyas “Sam”, 42-anyos ag residente it Brgy. Aganan, Pavia, Iloilo ag temporaryo nga naga istar sa Brgy. Yapak sa nasambit nga isla.
Ginkasa rong buy-bust operation it Malay PNP sa pagpanguna ni PMaj. Jess Baylon kung sa siin nahabakean rong suspek it sangka plastic sachet it ginapatihan shabu kabaylo it buy-bust money nga P 2,200.00.
Samtang 20 pa gid ka sachet it ginapatihan shabu rong narecover sa possession ag control it suspek.
Sa makaron hay detained sa lock up cell it Malay PNP rong suspek ag posible ra nga magapangatubang it kasong pagbayolar sa RA 9165 ukon Comprehensive Dangerous Drug Act of 2002 samtang ro mga recoveries hay igapaidaeom man sa laboratory ag drug test rong suspek.
