Nagpahayag sang intensyun ang Lopez Group of Companies sa pagbutang sang isa ka City Forest sa syudad sang Iloilo.
Ginpahayag ni Mayor –Elect Jerry Trenas nga nagpakig-istorya sa iya ang pamilya Lopez kag ginpahayag ang intensyun nila sa pagbutang sang kagulangan sa syudad.
Dugang pa sini, nga nagpangayu sang duta nga nagalapad sang 1- 5 hectares ang ginapangayu sang pamilya Lopez kag sila na lang ang bahala sa pagdevelop sang lugar kag wala na sang pagagastohun ang syudad sang Iloilo.
Ang City Forest may yara sang lugar nga lagawan ang mga kabataan kag tawo sa syudad kon sa diin may yara man sang ibutang nga forester nga magabantay sang bilog nga lugar.
Sa pihak sini, plano man nga magapatigayun sang massive tree planting sa syudad sang iloilo pananaglitan matapos na ang mga proyekto kasubong sang karsada, drainage kag footwalk.
Suno kay Trenas nagapakig-angut na siya sa Dept. of Public Works and Highways okon DPWH sa mga lugar nga pwede tamnan sang puno.
Subong man nagapakig-angut naman ini sa Dept. of Agriculture (DA) kag Dept. of Environment and Natural Resources (DENR) para nga makapangayu sang mga fruit bearing trees nga amo ang itanum sa palibot sang syudad.
