ILOILO CITY – Bisan gin-ako nga indi pa kampante sang kumpermasyon sang pagbisita ni presidente Rodrigo Duterte sa Iloilo, nagapanghanda na ang syudad.
Suno kay mayor Jose Espinosa III nakig-angut na sa iya ang presidential maangement staff nga nabase diri sa rehiyon.
Paathag ni Espinosa nga dapat handaan ang seguridad kag may mga idea na sya kun ano ang matabu sa pagbisita sang presidente.
Nahibaluan nga mismo si presidential spokesman Harry Roque ang nagkumpermar sang pagbisita ni Duterte sa Iloilo sa Dinagyang sa Enero 28, 2018.
Una diri ginsiling man ni Espinosa nga mangin malip-ot lang ang opening program sang Dinagyang 2018 sa tion nga ara ang president agud mahatagan ini sang ti-on nga makatan-aw sang performance sang mga tribu.
