Police nga nagdrive ug tricycle-armas mibuto, 2 pasahero angol

General Santos City— 2 ang angol human aksidenting mobuto ang pusil sa usa ka police kansa nag side line ug pamasahero sa may National Highway ning dakbayan sa Gensan.

Mga biktima nailhang silang si Ludyvee Mongkil Ochia, 18, single, residenti sa Purok Malipayon, Barangay Apopong ning dakbayan ug Michelle Haguisan Salambro, 17, residenti sa Phase 1, Litan Vill., Barangay Sinawal ning syudad.

Sa inisyal nga imbistigasyon sa Police Station 4 nasuta nga misideline ug pamasada sa iyang tricycle ang pulis nga si Spo2 Anacorito Alegarbes, 35, residenti sa Barangay Apopong ning syudad.


Karga matud pa niini ang unom ka mga pasahero padulong sa Barangay Apopong apan samtang sila anaa pa sa National Higway nga sakop sa Barangay San Isidro, kalit lang mibuto matud pa ang iyang kalibre 45 nga pistola ug naigo ang duha ka mga biktima.

Si Ochia, nakaangkon ug samad sa iyang bukton, samtang si Haguisan nakaangkon ug samad sa tiyan nga milapos sa iyang abaga.

Paspas nga gidala sa nahisgutang pulis ang mga samdan sa Mindanao Medical Center, samtang human sa insidenti mitahan gilayon si Spo2 Alegarbes ngadto sa buhatan sa san Isidro Police Station.

Facebook Comments