ILOILO City – Ginaagda ni mayor Jose Espinosa III ang mga kabataan nga magpasakop sa free summer sports clinic.
Kabahin ini sang pag-ulikid sang syudad sa kabataan program paagi sa city sports division.
Magaumpisa ang libre nga sports clinic sa Abril 9 kag magatapos sa Abril 15.
Kalakip sa mga sports activities amo ang arnis, wushu, taekwondo, volleyball, basketball, football, lawn tennis, jiu-jitsu, chess, Table tennis kag karatedo.
Ginakilala ni Espinosa ang importansya sang sports sa pagpasanyog sang physical kag mental ability sang kabataan.
Ang programa nagalawig na sang 11 ka tuig kag ginalauman nga magapasakop ang 2,000 ka mga kabataan.
Photo via Iloilo City Government
Facebook Comments
