ILOILO CITY – Magaconduct sang workshop on food additives ang Local Economic and Investment Promotion Office (LEIPO) sa mga manugbaligya sang processed meat sa syudad.
Magasugod ang training alas 8:00 subong nga aga sa Diamond jubilee hall.
40 ka mga vendors ang magapasakop sa workshop nga pangunahan sang Department of Science and Technology ukon DOST-6.
Suno kay LEIPO head Ritchel Gavan, ang workshop nagatuyo nga mapahibalo sa mga vendors kun ngaa may mga additives sa processed meat kag kun ano ang malain nga epekto sang sobra nga paggamit sini.
Matapos sang workshop magapaidalum man sa paghanas ang mga participants sa product labeling kag packaging kag food handling workshops.
Ini nga workshop makabulig man sa mga manugbaligya nga ma-improve ang ila product ang marketability sini.
