SYUDAD sang Iloilo – Nagpain sang P25 million ang Iloilo city government sa Iloilo Festivals Foundation Inc. ukon IFFI para sa paghiwat sang Dinagyang Festival 2020.
Ini nga budget gamiton sa premyo sang mga magadaug nga tribu.
Ginpahayag naman ni Foundation President Atty. Jobert Peñaflorida nga tupungan nila ang ginhatag nga pondo sang alkalde.
Mas dako man ang premyo sang magadaug sa 2020 dinagyang festival kun sa diin P5 million para sa champion, P3.5 million para sa 2nd placer kag P2.25 million naman sa 3rd placer.
May sigurado man nga P1 million nga balor sang proyekto ang mabaton sang tanan nga magapasakop sa ati-ati tribes competition.
Sa karon ginatun-an pa sang IFFI kun paano ang release sang subsidy sa tagsa ka participating tribes.//via Joel Franco reports
