ILOILO CITY – Naglambot na sa 1,250 ka native nga manok ang napanagtag sang city government sa 250 ka 4 P’s beneficiaries sa duha ka batches sa Mandurriao kag Molo.
Taglima ka manok ang ginhatag sa tagsa ka mga recipients.
Ginpanugyanan ni Mayor Jed Patrick Mabilog ang mga beneficiaries nga tatapon sang husto ang mga manok agud makabulig sa ila palangabuhian kag pagkaon.
Ang initiative kabahin sang integrated food production program livestock component nga ginapatuman sang City Agriculture Office sa idalum ni Mr. Romulo Pangantihon.
Nahibaluan nga nasuguran na ang community kag household gardening kag ang pagpanagtag sang manok makasabat sa kinahanglanon nga protina sang panimalay.
